Faiz Ahmed Faiz
Shair-e-Inqilab
📅 1911 - 1984 | 📍 Pakistanآپ کی یاد آتی رہی رات بھر
غزل- فیض احمد فیض
آپ کی یاد آتی رہی رات بھر
چاندنی دل دکھاتی رہی رات بھر
گاہ جلتی ہوئی گاہ بجھتی ہوئی
شمع غم جھلملاتی رہی رات بھر
کوئی خوشبو بدلتی رہی پیر ہن
کوئی تصویر گاتی رہی رات بھر
پھر صبا سایہ شاخ گل کے تلے
کوئی قصہ سناتی رہی رات بھر
جو نہ آیا اسے کوئی زنجیر در
ہر صدا پر بلاتی رہی رات بھر
ایک امید سے دل بہلتا رہا
اک تمناستاتی رہی رات بھر