جب پیر صاحب کی تحریروں سے مرزا قادیانی زچ ہو گیا تو اس نے لاہور کی بادشاہی مسجد میں تحریری مناظرے کا چیلنج دیا۔ پیر صاحب نے جواباً فرمایا کہ “قلم تم بھی رکھو اور میں بھی، جس کا قلم خود بخود لکھے گا وہ سچا۔” یا پھر “دونوں مینار پر چڑھ کر چھلانگ لگاتے ہیں، جو سچا ہوگا بچ جائے گا۔” مرزا قادیانی کو سامنے آنے کی ہمت نہ ہوئی۔ بعد میں ایک قادیانی وفد آپ کی خدمت میں آیا اور کہا کہ “ایک اندھے اور لنگڑے کے حق میں آپ دعا کریں اور دوسرے کے حق میں مرزا قادیانی، جس کی دعا سے وہ ٹھیک ہو گیا وہ سچا۔” پیر صاحب نے فرمایا: “یہ بھی منظور ہے، اور مرزا سے کہہ دو کہ اگر مردے بھی زندہ کرنے ہیں تو آ جائے، ہم تیار ہیں۔” لیکن مرزا قادیانی کو پیر صاحب کے روحانی کمالات کے سامنے آنے کی جرات نہ ہوئی۔ پیر صاحب فرماتے تھے کہ یہ حوصلہ میرا اپنا نہیں تھا بلکہ بارگاہِ رسالت ﷺ سے میرے دل کو وہ قوت حاصل تھی کہ مجھے کامل یقین تھا کہ اللہ جھوٹے مدعی کے خلاف مجھے ضرور سچا ثابت کرے گا۔