NAYAB SHAIRY

یہ کب کہتی ہوں تم میرے گلے کا ہار ہو جاؤ

 وہیں سے لوٹ جانا تم جہاں بے زار ہو جاؤ

ملاقاتوں میں وقفہ اس لئے ہونا ضروری ہے

 کہ تم اک دن جدائی کے لئے تیار ہو جاؤ

بہت جلد سمجھ میں آنے لگتے ہو زمانے کو

 بہت آسان ہو تھوڑے بہت دشوار ہو جاؤ

بلا کی دھوپ سے آئی ہوں میرا حال تو دیکھو

 بس اب ایسا کرو تم سایۂ دیوار ہو جاؤ

ابھی پڑھنے کے دن ہیں لکھ بھی لینا حال دل اپنا

 مگر لکھنا تھی جب لائق اظہار ہو جاؤ