Bbab Bulleh Shah
Sufi
📅 1680 - 1757 | 📍 Pakistanبھانویں جان نہ جان وے، ویہڑے آ وڑ میرے
بابا بلھے شاہ
بھانویں جان نہ جان وے، ویہڑے آ وڑ میرے
میں تیرے قربان وے، ویہڑے آ وڑ میرے
تیرے جیہا مینوں ہور نہ کوئی
ڈُھونڈاں جنگل، بیلا، روہی
ڈُھونڈاں تاں سار ا جہان وے، ویہڑے آ وڑ میرے
میں تیرے قربان وے، ویہرے آوڑ میرے
لوکاں دے بھانے چاک مہیں دا
رانجھا تاں لوکاں وچ کہیندا
ساڈا تاں دین ایمان وے، ویہرے آ وڑ میرے
میں تیرے قربان وے ، ویہڑے آ وڑ میرے
شاہ عنایت سائیں میرے
ماپے چھوڑ لگی لڑ تیرے
لائیاں دی لج جان وے، ویہڑے آ وڑ میرے
میں تیرے قربان وے ، ویہڑے آ وڑ میرے