مفہوم و تشریح

شعر 1: سب سے پہلے اس اللہ کی حمد و ثنا ہے جو ہر ایک چیز کا مالک ہے۔ اس پاک ذات کا نام دل میں بسانے والا زندگی کے کسی میدان میں شکست نہیں کھاتا۔  

                       شعر 2: میں تو گلیوں کے ایک معمولی اور بے وقعت پتھر (روڑے) کی طرح تھا، لیکن میرے مالک کے کرم نے مجھے محلوں جتنا بلند رتبہ دے دیا۔ 

میں اس کی اس رحمت پر قربان جاؤں جو مجھ جیسے عاجز کی لاج رکھ لیتا ہے۔

شعر 3: جو لوگ کچے دھاگے یا ناپائیدار سہاروں پر بھروسا کرتے ہیں وہ منزل نہیں پاتے۔ محبت اور وفاداری کا حق وہی نبھا سکتے ہیں جن کے ارادے اور تعلق پکے ہوں۔           

              شعر 4: اے محمد بخش! اگر دل پر سچے عشقِ الٰہی کی لہر (ترنگ) سوار ہو جائے تو مالک ضرور ملتا ہے، اور انسان کے سارے گناہ اور عیب دور ہو جاتے ہیں۔ 

            شعر 5: دردمند دوں کو جب اپنے پیارے رب یا مرشد کی یاد آتی ہے تو وہ غفلت کی نیند سے بیدار ہو جاتے ہیں۔ دل تڑپ کر کہتا ہے کہ اگر وہ مل جائیں

 تو میں انہیں گلے سے لگا لوں تاکہ یہ دردمند جان سکون پا جائے۔

                      شعر 6: اگر تو (میرا رب) میرا سچا دوست ہے تو پوری دنیا میری دوست ہے، اور اگر تو ہی ناراض ہو جائے تو کوئی پاس نہیں رہتا۔ تیرے بغیر تو یہ

 سانسیں بھی بوجھ معلوم ہوتی ہیں۔

                    شعر 7: بھائیوں اور اپنوں کے بغیر انسان کا دفاع کمزور ہو جاتا ہے اور پیٹھ ننگی ہو جاتی ہے۔ اگر پیچھے اپنا قبیلہ اور مخلص لوگ کھڑے ہوں، تو دنیا کی 

کڑوی بات بھی انسان ہنس کر برداشت کر لیتا ہے۔

          شعر 8: زندگی کے یہ خوبصورت دن اور سانسیں دوبارہ لوٹ کر نہیں آئیں گی۔ آخرکار ایک دن سب کچھ رب کے حوالے کر کے دنیا سے رخصت ہونا ہے

 اور اصل عید کا دن وہی ہوگا جس دن دوبارہ اپنے پیاروں اور رب سے ملاقات ہوگی۔