رکھتا ہوں بھاؤ تاؤ میں رفتار منفرد
سو ڈھونڈتا ہوں اپنا خریدار منفرد

ہر ایک پر نہیں ہے نظر اس کی ایک سی
رکھتی ہے وہ شکار کا معیار منفرد

غصے میں بولتی نہیں بس دیکھتی ہے وہ
کرتا ہے کون اس طرح تکرار منفرد

وہ کر رہی ہے میری حمایت سبھی کے بیچ
اس بار ہو گا اسکا مگر وار منفرد

ٹیبل سجائے رکھتا ہوں ہر روز صبح و شام
رکھتا ہوں کپ دو چائے کے ہر بار منفرد

کچھ دیر ہم بھی مرکزِ محفل رہے ہیں یار
اتنا تو ہم بھی رکھتے تھے کردار منفرد

آثار منفرد تھے دراڑیں تھیں منفرد
مجھ کو یقیں تھا گھر ہو گا مسمار منفرد

!کانٹوں سے اُنسیٌَت کا یہ عالم ہے دوستو
خود پالتا ہوں اپنے لیے خار منفرد

اک ایسا ہو جہاں کہ سبھی مسکرا سکیں
جنت سے پہلے دیکھ لیں سنسار منفرد

ہچکی میں روک لیتا ہوں ہنستے ہوئے، مقیم
کہتے ہیں لوگ مجھ کو اداکار منفر